قصة حب  

مرسلة بواسطة Abd-Alrahman

ازيكم يا جماعة اخباركم ايه
النهاردة بمناسبة الفالنتين "معلش متأخرة شويتين" بس حبيت اقدملكم قصة من اروع قصص الحب
الحب بكل معانى الولاء والاخلاص والتضحية
يلا اسيبكم مع القصة

شايفين البنت والولد دول؟؟؟ حلوين مش كده؟؟؟؟؟
دول ادريانا وجورج ..ولد وبنت امريكيين نشأت بينهم قصة من اجمل قصص الحب والرومانسية
..عاشوا مع بعض اجمل ايام حياتهم فى انتظار يوم زفافهم على احر من الجمر
لكـــــــــــن
فى الوقت ده بدأت امريكا حربها ضد العراق
وطبعا سافر جورج مع الجيش الامريكى
مواطن مسالم ملهوش اى ذنب غير ان حظ الوحش انه كان فى الجيش فى الوقت ده
وهناك فى العـــــــــراق
حصله حادث مروع..وقعت عليه قنابل من طيارة امريكية ..وطبعا اتحرق ..وجسمه ادمر خالص ..واليكم الصور ..بجد صعبة موت ..ياريت اللى قلبه ضعيف ميكملش الموضوع



شوفتوا شكله ؟؟؟؟صعب اوى مش كده
مبقاش ليه ملامح اصلا

ادى اخرت الحرب الامريكية
مش تدمير للعراق بس
لا تدمير شعبها نفسه
عشان كده فى مواطنين امريكيين كتير بيكرهوا امريكا وجورج بوش


المهم بقى انت او انتى لو مكان ادريانا هتتصرف زى ما هى اتصرفت
يعنى ممكن تضحى لو حبيبك او حبيبتك حصلها كده
يا ترى هتقدر تكمل معاه بقيت حياتك وهو بالشكل ده؟؟؟؟؟
اتمنى اعرف رايكم ايه





This entry was posted on 5:53 AM . You can leave a response and follow any responses to this entry through the Subscribe to: Post Comments (Atom) .

41 What Abdot You ?

اية دجة يا نور
بوستك جميل اوي اوي
بس الاختيار الي بتقولي عليه اكيد اكيد هيكون صعب اوي اوي بالنسبة لبعض الناس

بس البنت دي اكيد كانت بتحبه حب صادق علشان كدة وافقت عليه وهوة بالشكل دة

بس حاليا الموضوع ممكن يتغير باي عملية من عمليات التجميل الموضوع بقي سهل في ظل التطور العلمي

علي العموم بوستك كويس مع انه متاخر حبتين


عبدالرحمن

الموضوع ينقسم الي قسمين
1_انكان علي الحب الحب مفهوش كبير ولا صغير ولا حلو او وحش الحب عباره عن مشاعر واحاسيس موطنها القلب الحب بالروح ليس بالوجه والجمال
2_ ان كان الامر يتعلق بامريكا
فربنا يحرقها زي متحرق الاخ ده

وفي الاخر
الشكر
والتحيه
من
( فيرس)

virus
ميرسى اوى على مرورك ورأيك المتميز ده
فعلا لو هى بتحبه بجد كانت لازم تعمل كده لان الحب زى ما قولت مشاعر واحاسيس بس الاختيار مش سهل لو اتحطيت فى الموقف ده

اتمنى ان زيارتك للمدونة تتكرر وانى دايما الاقى ارائك الرائعة دى وتعليقاتك على البوستات بتاعتى
لك تحياتى

NOUR

عبد الرحمن
الحمد لله ان البوست عجبك
معلش اسفة ان البوست اتاخر بس كنت مشغولة شوية فى الكلية

وفعلا زى ما قولت الاختيار هيكون صعب اوى
بس زى ما بيقولوا مراية الحب عامية
يعنى هى بتحبه بمشاعره واحاسيسه بحبه ليها اكيد شكله كده هياثر شوية بس لو فعلا حب صادق هضحى باى حاجة فى سبيل ان حبيبها يكون معاها
ميرسى يا عبد الرحمن على تعليقك الرائع
NOUR

نور

بوست حلو

تعرفي النهاردة كانت في قصة في الأخبار

باعتاها واحدة بتقول أنها قبلت تتجوز شخص مصاب بإعاقة برغم أنها مكنتش بتحبه ولا حاجة

بسبب خوفها من ربنا .. خافت ترفضه فقبلت


فما بالك بقى لو كانت بتحبه بجد

بس عموما الأختيار صعب

مش عارفة صعب أوي أحكم على موقف ما اتحطتش فيه

تحياتي

وااااااو بجد مؤثرة اوي

على اد ما هو صعب عليا
على اد ما انا شيفه ان ده عقاب عادل من ربنا للي عملوه في العراق وفي المسلمين ولكل اللي لسه بيعملوه

انا عن نفسي اعتقد ان الحب من سيمته انه بيذلل اي عقبات بين الطرفين

بس اعتقد ان الزوج في الحالة دي بتكون درجة الحساسية عنده زايدة حبتين

وبتدأ غيرته وتعاملاته معاها على اساس انه فاقد شيء من وجهه نظره في حين ان الزوجة تراه بقلبها وبروحها .. ترى به الانسان الذي احبته وليست الصورة

تحياتي لاقلامكم الجميلة

ولرقه وعذوبة مشاعركم

Anonymous  

بجد الموضوع جميل والي كتباه بجد بتفهم...اكيد انا لو مكان البنت دي وكان الي بحبه حصله حاجه لقدر الله اكيد هقف جمبه ومش هسيبه يمكن حبي ليه يزيد عن الاول لان عمر الحب ماكان بالشكل...ناهد بنت عم الدكتور عبدالرحمن

هبة
بجد تعليقك اكثر من رائع
والقصة اللى قولتيها كتير رائعة
اكيد الانسانة اللى قبلت تتجوز واحد معاق لمجرد خوفها من انها تجرح احساسه او انها خافت من ربنا انسانة رقيقة جدا وحساسة موت وثوابها عند ربنا كبير اوى عالموقف ده
ميرسى اوى يا قمر على مرورك وتعليقك الرائع واتمنى دايما ان زيارتك تتكرر للمدونة
لكى تحياتى يا جميل
NOUR

قبلة الحياة
على فكرة النيك نيم بتاعك حلو موت
وكمان كلامك عن الحب كتير رائع وجميل
فعلا اللى بيحب بيحب باحاسيسه ومشاعره ومش هيفرق معاه اوى الشكل
بس بليز بلاش حكاية احسن ما هو من اللى بيعملوه فى المسلمين لان ده مواطن مسالم ملهوش اى ذنب غير انه كان فى الجيش لكن ملهوش دعوة بالحرب
فاللهم لا شماتة
اتمنى دايما اشوف ارائك ومشاركاتك المتميزة دى فى المدونة
تحياتى لكى ولكلماتك الرقيقة
NOUR

ناهد
حبيبة قلبى
اد ايه احساسك عالى ومشاعرك رقيقة
وكلماتك البسيطة دى كشفت عن رقة وحنو قلب صاحباتها
بجد اسعدنى جدا ردك على البوست بتاعى
واتمنى دايما انك تشاركى معايا بكلماتك الرقيقة دى
NOUR

هوا دا... ايوه دا ....هوا دا الحب الحقيقى
انا فى نظرى ان دى بداية الحب الحقيقى وانهم هيعيشوا مع بعض أجمل وأفضل قصص الحب
انا فى نظرى ان الحب لا يعترف بالمظاهر والألوان ...فقط الحب يعترف بالمشاعر والأحاسيس...
بس لو الكلام دا عندنا فى مصر ماعتقدش انه هيمشى بنفس الصورة اللى مشى بيها..... ومش بعيد يفضل حابس نفسه فى البيت.
لكن فى ظل التطور العلمى الحاصل أصبحت من السهل اجراء مثل هذه العمليات دون ادنى صعوبه
تحياتى ....

نور

حلو اوي اختيارك للبوست

الحب الا بجد دا نادر جدا لما نشوفه او نسمع عنه

تصرفه دا دليل علي انها بتحبه اوي وقدرت تكمل معاه
بت جدعه يعني

سلامي لعبدالرحمن القمر

وليكي يانور ياسكر

المدونه بجد تحفه جامده موت

سلاموووز .......ز وزة

مساء الخير على اجمل نور واجمل بنوته فى الدنيا كلها الموضوع حلو يانور وعجبنى لانه رومانسى وفيه فعلا مثال للتضحيه والوفاء والاخلاص

انا بطبعى بميل للنوع ده من القصص وتقريبا مدونتى كلها عن الحب والراجل والمراة وكل ما يتعلق بيهم بهتم بيه المهم مش عاوزة اطول عليكى بس بجد القصه مؤثرة الواد ياعينى ساح زى الشيكولاته راحت ماترح ما راحت هههههههه
بس انا لو بحب الانسان ده والله لو كان قرد برضوا هتجوزوا يمكن فى ناس هتختلف معايا فى الراى ده بس انا مجنووووووووونه وبحب الحب نفسه

ملحوظه مهمه ربنا يصبرك يانور على عدو المراه اللى اسموا عبدالرحمن ال مطحون ال ده هو اللى طحنى معاه كانت معكم ريهام من امام احدى شاشات الكمبيوتر

الحمد لله

فعلا الحمد لله ان لسة فى ناس بتؤمن بالحب الحقيقى بجد ...انا كنت فقدت الأمل بجد انى الاقى حد كدة

بس الحمد لله ان الحد ده لسة موجود

ربنا يخليهم لبعض ويقربهم لبعض اكتر واكتر

بجد بوست حلو اوى ..ومناسب جدا لعيد الحب


تحياتى


:)




صحيح


اخبار مزاجك ايه ؟؟؟

ياريت يكون اتحسن ..


:)

Anonymous  

انا تشرفت بالرد علي الموضوع ده قبل كده يانور وهو موضوع كويس جدا بس النهارده الرد مش ليكي الرد لعبد الرحمن

يا اخي تماسك لا تحزن فالايام بيننا
ولا تجعل لاعداء النجاح سبيلا في كسرنا
فالايام تلاحقنا ونتماسك الي اخر نفس
في حياتنا لنسبت للجميع اننا الافضل

العزاء من : فيرس

يا عم فيرس انا عارف ان قصدك علي ريهام
يا بنتي انتي مش عايزة تسكتي ليه لسة برضة فيكي الروح بعد الي كتبناه عندك انا وحبيبي فيرس
يا بنتي انتي المفروض تعتزلي الكتابة لمدة شهرين
انتي المفروض تاخدي فترة نقاهه

هههههههههههههههههههههه

ايقون بيغمز


انتي الي تستاهلي انتي الي فتحتي علي نفسك الحرب الشعواء دي

يانور يا صديقتي العزيزة سيبك من الكلام الي قالته ريهام دة

دة بس حقد طبقي علي الرجالة يا بنتي عايزة تاخد كل حقوقنا حتي ادخلي عندها وشوفي هيا كاتبة ايه في المدونة بتاعتها

علي العموم زي ما حبيبي فيرس قال الايام بيننا وانا مش هسمح لاعداء النجاح بالدخوا بينا


عبدالرحمن

دائما وابدا
اكرر
الحب حب ..للروح.. للانسان
انا لا ابغى ان احب صوره او طاووسا

انا اعشق انسان او بمعنى ادق روح الانسان

بامكانى ان اقع فى غرام احدب نوتردام ذاته

لنقاء روحه

بل اى تردد لن اتخلى عن حبى لو اصابته جميع التشوهات الجسديه او الاعاقات

ما دام هو .. هو
بذات روحه

بسم الله
اولا المدونه رائعه وجميله
والموضوع جميل اوى وانا اول مرة ادخل بس عجبتنى اوى وشكرا لزيارتك ومرورك على مدونتى
والله المستعان

هظلمه لو سبته وهظلم نفسي لو كملت معاه
لكن فى كلامك خليتنا نتعاطف مع الجانب الطأ صح ولو عايز امثله راجع قضايا العراق وفلسطين هتلاقى بدل جورج الف محمد واحمد ومنى ماتو مش اتشهو

هى قصة الحب جميله
بس انا فرحت فى الراجل ده لان كان رايح يحارب فى اخوانا اللى فى العراق
تحياتى ولاء

نور

البوست يوجع القلب اوى
اول مرة قريته قفلت بسرعة عشان بجد مكنتش لاقية كلام اكتبه

بس
الموضوع ليس بعيدا عن الحب

الحب مش بس كلمة
الحب قوة جبارة تجعل المستحيل هينا

وادعو الله من كل قلبى ان يصادف العالم كله مثل هذا الحب
ومثل تلك التضحية والوفاء

بوست راع عزيزتى

Anonymous  

مع انه راح العراق كعدو بس كنظره انسانيه اشي بقطع القلب وبزعل وعنجد يا حرام
ويا رب ما يحطنا بمكان متلو
لان لو الحب حقيقي عمره ولا عمرها راح يتركو بعض بالعكس هي راح تكون الجزء الوحيد الحلو بحياتو وهو الجزء الوحيد الحلو بحياتها
بوست بوجع القلب
يا سلام يا نورا على البوستات الجامده
دمت رقيقه

روري

اهلا بحبايب قلبى بقى انا عدوة النجاح ياسى فيرس؟ وبعدين نجاح ايه الموضوع نور اللى كتباه مش عبد الرحمن

هو واحد بيغنى والتانى يرد عليه؟ (ايقون بيطلع لسانه)

نيجى بقى لعبدالرحمن احب اقولك ياصديقى العزيز ان فترة النقاهه دى تاخدها انت وفيرس حبيب قلبك
اطلعوا على اقرب صحرا وعيشوا هناك وارحمونا بقى مليتو البلد ههههههههه

Anonymous  

البوست بتاعك رائع - تحياتى
Mahmoud Sa'eed
leehana.blogspot.com

محمد صلاح
ميرسى اوى على مرورك وابداء رأيك عالبوست بتاعى
فعلا عندك حق هو ده الحب الحقيقى واكيد هيعيشوا اجمل ايام حياتهم لانهم لقوا الحب بجد اللى ناس كتير ممكن تعيش وتموت ومش تعرف تلاقيه
وفعلا اكبر عيب عندنا فى مصر اننا لو شوفنا واحد مشوه او فيه عيب خلقى نقعد نقول اعوذ بالله ونلف وشنا ولا كانه عار عالمجتمع رغم ان ده مش بايده
ياريت حتى واحنا ماشيين فى الشارع نراعى مشاعر بعض ونفكر بقلبنا ونخلى الحب عنوان حياتنا
اشكرك جدا على تعلقيك
دمت سالما
NOUR

انين لحزن
ميرسى اوى يا قمر على تعليقك الرائع
انا سعيدة اوى ان البوست عجبك يارب دايما كده بوستاتى تعجبك والاقى تعليقاتك اللى بتنور البوست
لكى تحياتى

NOUR

ريهام
مساء الفل يا قمر
ميرسى اوى على كلماتك الرقيقة
والحمد لله ان البوست عجبك والحمد لله ان لقيت حد زى بيحب الحب نفسه
وجميل اوى ان يكون البلوج بتاعك كله عن الحب لانى فعلا بحب اقرا اوى عن الحب وقصص الاحبة
ان شاء الله هتلاقينى دايما عندك فى
البلوج عشان اتابع بوستاتك يا جميل

سلاموز يا قمر

NOUR

oceaneyes

اكيد طبعا لسة فى حب حقيقى وهيفضل دايما موجود مهما زادت مادية الحياة وصلابتها لان احنا هنفضل دايما عندنا مشاعر واحاسيس مهما تغير الزمان وهنفضل دايما ندور عالحب اللى هيكمل معنى حياتنا ويتم سعادتها
ميرسى اوى على مرورك وتعليقك
تحياتى لك
NOUR

شيرين

لا اجد كلام اقوله لكى بعد كلماتك الرقيقة الهامسة التى تمتلأ بارقى معانى الحب والرومانسية والنقاء
لا املك الا ان احييك من قلبى على كلماتك الرائعة
واتمنى ان اجد دائما كلماتك المعبرة فى المدونة
لكى منى ارق تحية
NOUR

al_qassam
اسعدنى جدا زيارتك للمدونة واتمنى ان تتكرر زيارتك وان اجد دائما تعليقاتك الرقيقة عالبوستات بتاعتى

تحياتى
NOUR

rommantic
ميرسى اوى على مرورك وتعليقك
فعلا لو رجعنا لفلسطين والعراق هنلاقى بدل جورج الالاف من المسلمين اللى اتشوهوا واستشهدوا ولكن انا قصدت بس من القصة معناها والتضحية فى الحب ليس الا بغض النظر عن جنسية الاشخاص
فالحب لا يتغير معناه باختلاف جنسية الافراد لانه مشاعر واحاسيس فقط
لك منى ارق تحية
NOUR

ولاء
اسعدنى جدا ردك عالبوست بتاعى
بس على فكرة هو مش ليه ذنب
هو مواطن عادى دخل الجيش وقامت حرب فسافر مع الجيش يعنى كان ممكن يحصل كده مع اى مواطن مصرى
ومش كل الامريكان بوش ولا كلهم تفكيرهم ارهابى فى كتير زينا بيكرهوا الحرب والدمار
فاللهم لا شماتة
ميرسى يا جميل على تعليقك
NOUR

اية
بجد تعليقك رائع جدا
وعجبتنى اوى "الحب قوة جبارة تجعل المستحيل هينا "
فعلا عندك حق الحب قوة كامنة جوانا ممكن تخلينا نضحى باى حاجة فى سبيل اللى بنحبه
اتمنى ان تمتعينى دائما بكلماتك الرقيقة هذه
لكى منى ارق تحية
NOUR

رورى
كلماتك كتير جميلة
فعلا اكيد بي تضحيتها دى خلت حياته اجمل كتير وهى اكيد الجزء الجميل فى حياته وهى كمان اكيد هتشعر بارقى معانى السعادة مع الانسان اللى حبيته واختاريته
اتمنى ان اجد دائما تعليقاتك الرقيقة هذه لانها عنجد تسعدنى كثيرا
تحياتى ليكى يا قمر
NOUR

Mahmoud Sa'eed
ميرسى لمرورك وتعليقك
واتمنى ان دايما البوستات بتاعتنا تعجبك وان زيارتك للمدونة تتكرر
لك تحياتى
NOUR

الاختيار صعب جدا جدا بس اعتقد انى من قبيل الوفاء للمحبوب لو كانت نظره الطرف التانى لمجرد مشاعر واحلام وحب الروح اعتقد انى ده الاختيار الطبيعى انما لو كان حب جسدى وشكل وملامح يبقى النداله حتشتغل
فكرتينى براعه عبدالوهاب
وعشقى الروح مالوش اخر
ولكن عشق الجسد فانى

akeed ana lw maknha 73ml zayiaha lw ana ba7ebou bgd welisha5sou
hwa dh 2l 2smou 2l 7ob we msh kelmteen we salam
3al 3omom kol 3eed 7ob wenta b5eer

met2a5aaaaaaaaaaaaaaaaar

رئيس جمهورية نفسى
اشكرك جدا على تعليقك الرائع وجميلة اوى الجملة اللى كاتبتها "وعشق الروح ملهوش اخر ولكن عشق الجسد فانى "
اتمنى دايما انك تنورنى بتعليقاتك
NOUR

موضوع رائع ياجماعة وبجد من كتر الصدمة معرفتش افكر فى سؤالكم " اصله شكله صعب اوى بجد " http://3enadeya.blogspot.com/ربنا معاكوا

Anonymous  

لو بجد بينهم حب صادق ومن غير عوائق اكيد الحب دة هيستمر حتي لو كان في عائق وميرسي اوى اوى يانور علي البوست بجد جامد اوى ربنا معاك يا دكتور عبد الرحمن صحبتك b