لحظات الحياة  

مرسلة بواسطة Abd-Alrahman


في بداية يوم من ايامه في الحياة

يزيح الغطاء عنه بكسل ليكشف عن جسده الممدد وعن عينان شاحبتان

تجد فيها معني التعب والارهاق بكل معانيه

ينطق كلماته المعهودة بكل كسل وخمول

الحمد لله الذي احيانا واليه النشور
يقوم بعد مشاورة لمدة خمس دقاق
(اقوم .. ولا مقومش .. متقوم يا عم ..لا انا مكسل .. لا هقوم)
وفي الاخر بكل خمول وتعب يتوضاء ويصلي ركتعي الفجر قضاء
يرتدي ثيابة بتعب ويتجه للمراه وعندها يقف وقفة طويلة ويري اشياء لم يرها من قبل واحساس لم يتملكه من قبل
كان يريد ان يصفف شعره ولكن توقف عن كل شيئ وظل يراقب عيناه والصمت يملاء المكان

يمر امام عيناه شريط حياته بكل ما راي فيه من ايام ومن لحظات ايام عصيبة وايام في غاية السهولة لحظات راحة ولحظات تعب
واوقات جميلة واخري تعيسة
يتذكر ايام ان كان انقي واطهر لايحمل في حياته الا النقاء والبرائة
ولا يفكر مطلق في المسؤلية الصعبة والحياة الثقيلة
يتذكر ايام نعومة اظافره وايام وليالي قضاها في احضان ابيه بكل حنان وبكل حب
يتذكر كل ما كان يحمله في الحياة
وكل ما كان يعبا به وكل ما كان يحيط به من اصدقائه ومدرستة وواجبه وجدول الضرب الذي لم يتم حفظه والعلقة التي تنظره من امه
بسبب توسيخ ملابسه
ويتذكر ايام كانت في غاية الصعوبة وفي غاية المرارة ويتذكر لحظات في غاية الرومانسية والجمال
ويدرك عندها ان الحياة دقائق معدودة وكانها ساعة او ساعتين
وكان كل احداثها حدثت بالامس القريب
يقطع صمت المكان وهدوئه صوت صديقة من تحت شرفته المتواضعة
( يلا يا ابني اتاخرنا علي السكشن)
اتخض طبعا خضة كبيرة
ورد عليه بتوتر جاي اهه
وفي هذة الحظة يلملم ذكرايات حياته في اقل من ثانيتين ويقوم بتصفيف شعره
ويتجه نحو يوم شاق مليان متاعب ومحاضرات وسكاشن
ويعود ليحاول اعادة اللحظة الجميلة الي عاش فيها امام المراه والتي احتوت حياته وملات عليه وحدته عليه
ولكن يخفق في كل محاولاته ويذهب لفراشة ليصارع دقات قلبه في محاولات طويلة لايجاد النوم ويغط في سبات عميق وكان شيئا لم يكن

وهكذا الحياه

عبدالرحمن

This entry was posted on 9:18 AM . You can leave a response and follow any responses to this entry through the Subscribe to: Post Comments (Atom) .

52 What Abdot You ?

بسم الله
عبد الرحمن احيييييييييك بجد تحفه موضوع اكثر من راااائع واحساسو عالى بجد تنفع كاتب وروائى عظيم انتظر بوستاتك وموضوعاتك القادمه بجد ربنا يوفقك ليك مستقبل حلو ان شاء الله
تقبل مرورى
جيلان
والله المستعان

Anonymous  

بجد بوست اجمد من كده مشفتش...يابني انت خسارة في البلد دي لازم تروح بلد تقدر مواهبك العاليه دي .......ناهد

عبد الرحمن
والله مش لاقية كلام يوصف اعجابى بالبوست
بوست بجد رائع رائع رائع رائع رائع
كتير معانيه حساسة ورائعة
واحساسك عالبى اوى وتوصيفك اكثر من رائع
بجد خليتنى اتذوق البوست بكل مشاعرى واحساسى وحواسى
مش لاقية حاجة اقولهالك اكتر منى انى احييك على موهباتك الجامدة دى
ويارب دايما كده الاقى بوستاتك اللى بتحمل ارقى المعانى والاحاسيس
NOUR

لا حول ولا قوة إلا بالله......أسيوط ......وصيدلة....وسكاشن....(إيه الصدف السعيدة دي يا زملاء)........بس حرام عليكم انا كنت بنسي نفسي ان عندي سكشن الساعة 8 الصبح....يلا مش مشكلة اسيبكم عشان اروح السكشن.....
بالمناسبة(هيه اسيوط وحشة اوي كده؟؟؟؟؟؟؟

بوست جمييييييييييييل


فيه معانى جميلللللللللللله


ماشاء الله

تحياتى

جامد مووووووووووووت ياعبدالرحمن ايه يابنى كنت مخبى عننا المواهب دى كلها فين اخيرا كتبت وايه مش اى كلام ده كلام طالع من جواك اوى وانا عن نفسى كنت مندمجه اوى وانا بقراه اتخيلت نفسى مكانك وانت قدام المرايه وبتسترجع اللحظات اللى مرت عليك لقيت نفسى ساعات بعمل كده وفجاه افتكر حاجات قديمه اوى مرت عليها سنين بس كانها لسه حاصله امبارح

وعجبنى اوى الجمله بتاعت يلا يابنى اتاخرنا عالسيكشن تحس انها واقعيه اوى كانى بتفرج على مشهد او مسلسل وانت بتحكيه بالتفصيل زى مابيحصل فعلا خلتنى اتخيل يومك شكلوا ازاى بالظبط كانى معاك

برافو عليك ياعبد الرحمن والله
هى المرايه فعلا
بتجيب كل حاجه
نصيحه لاى حد
يقف قدام المرايه كل شوية
ويشوف نفسه على حقيقتها
هى دى
برافووو عبد الرحمن

اعتقد و الله اعلم
انك بتتكلم عن واحد اسمه دكتور صيدلى عبد الرحمن

مش كده و لا ايه؟

ربنا يعينك و يوفئك بس يا ريت تقوم من النوم فايق و تقوم بسرعه

جيلان بجد بجد نورني ردك الجميل
واهم حاجة ان البوست عجبك دة شرف كبير اوي ليا ويارب دايما

عبدالرحمن

ناهد
نورتني زيارتك الجامدة جدا
ومدحك الجميل في موضوعي
ولكن اتمني عدم انقطاعها
وشكرا علي كلامك الجميل
عبدالرحمن

نور صديقتي العزيزة
ردك دة بجد كان من الصعب علي توقعه ولكن فاجاتيني بيه في وقت من الصعب اني الاقي مفاجاه حلوة
شكرا علي كلامك الجميل ومجاملتك الرقيقة واتمني ان تكوني بهذا القلم الندي
في كل مواضيعي وشرفتنيي جدا جدا

عبدالرحمن

دواير

اول مرة زيارتك تشرفني
ولكن احب اقولك ن اسيوط اوحش من كدة
هههههههههههه
شرفتني واتمني تكررها

حسام يحي
دائما ردك في اجمل الكلمات العذبة
شكرا وياريت تشرفني دايما
عبدالرحمن

ريهام

انتي بجد حكايتك النهاردة حكاية
متعرفيش مدي سعادتي بالذات بردك الي مكنتش متصورة خالص
بجد كلامك اجمل بكتير من المرااات الي فاتت
اول مرة يعجبك بوست ليا بالطريقة دي
وطريقتك في ردك اسعدتني جدا جدا
ويارب دايما اقدر اكون عند حسن ظنك وتفهميني دايما

عبدالرحمن

ammar

ربنا يخليك ليا يا حبيبي ردك شرفني اوي
وعلي فكرة الواحد قدام المريايا ممكن يشوف البعد التالت من شخصيته

عبدالرحمن

محمد مارو
صديقي العزيز
من اكتر الردود الي اسعدتني ردك الجميل وطريقتك الاجمل ي كتابتة يا حبيبي
نورتني

عبدالرحمن

هونها تهون

بس اسلوبك وطريقتك بجد رائعة ..كمية المشاعر المتولدة عن الكلام ده انا حسيت بيها ..لحظة النظر للمراّة وجعل شريط حياتك يمر من اماك اروع

فهى لحظة تتمكن فيها من استعادة ايام بحلوها ومرها ..ولكن فى المجمل تهون الكثير



تحياتى ليك


:)

عبد الرحمن
أنت
يا سارق ياء النداء من حروفي
لماذا أنت مرتبك ؟
نعم أعنيك أنت
ادعوك للإنضمام للفكرة
فانت وحدك .. ذاك الذي لم يأت
هذا طريق لم يكن يعرفه احد
و لا يعرف احد
طريق لم تعرفه اقدام المارة
و لم تدنسه من قبل عجلات سيارة فارهة وقودها من عرقك و دمي
تعال معنا و املئ الدنيا بالضجيج
نظرة على اسرار اون لاين لن تضيرك
و مشاركتك تأكدي انها مصدر سعادة لنا
http://asraronline.com/vb/

عندك حق والله ياصيدلى يامطحون وخصوصا اذا كانت كليتك صعبة وعندما تخلو بنفسك لتعيش لحظات فى احلام اليقظة تعيدك الى انقى ايام عمرك واجملها فاجأة تجد من يكدر عليك صفو هذه اللحظات ويعيدك الى واقعك المرير والمشكلة انك نادرا ماتجدوقت لاستعادة تلك اللحظات.فعلا كلام معبر.اشكرك

برافو بجد
ومجرد وصولك للدرجه دى وانك شوفت حياتك كلحظات مرت قدامك منها الحلو والوحش

لازم بقى تحاول تستفيد بكل لحظه تعدى عليك

وبجد اسلوبك سهل وجميل ومليااااااااااان معانى راااااااائعه

oceaneyes

كلامك نورني وزيارتك شرفتني
وياريت دايما
وعلي فكرة
هيا بتهون كتيييييييييير


عبدالرحمن

غربة وطن

كلامك غريب اوي علي فكرة بس اوعدك اني اول ما هفضي هزور الموقع الي اديتهولي

cute
اية الزيارة الجميلة دي
ياريت تكررها
علي فكرة كلامك جميل اوي

شكرا اوي

عبدالرحمن

di el2mr

شكرا علي مدحك الجميل في اسلوبي
وعلي زيارتك الجميلة
عبدالرحمن

السلام عليكم
تحيةطيبة
وتقبل مرورى

ما شاء الله يا دكتور بوست جامد

دايما بحس إن بوستاتك فيها عمق ف الأفكار
بجد والله
فكرة الحياة واللحظات الحلوة والوحشة
أحيانا بتكون فى حياتنا لحظات كنا بنحس إنهاوحشة فى ساعتها
لكن بعد ما الأيام بتمر بنلاقيها من أحسن اللحظات
والعكس صحيح

دمت مبدعا

عبد الرحمن
بص يا سيدي أنا هاعلق المرادى كزيارة بس بعد كدة ان شاء الله هاقرا كل حاجة واعلق حتة حتة
أخوك
حمادة زيدان

oceaneyes
نورتني يا حبيبي بردك الجميل
وبكلامك الاجمل
الله عليك بجد ردك دة هون عليا كتير اوي وكلامك اجمل


ربنا يخليك واتمني تكررها يا حبيبي
عبدالرحمن

la3lahakhier

مرورك اسعدني ولكن كان هيكون اجمل لو كنت قولت رايك يا حبيبي

شكرا

عبدالرحمن

فزلوكة


بجد كلامك من اجمل الكلام الي اتقال في البوست بتاعي
بجد نورتيني وياريت تكرريها

عبدالرحمن

حمادة زيدان

نورتني زيارتك الجميلة
وهستناك المرة الي جاية يا حبيبي
عبدالرحمن

R.O.U.R.O.U.

كل مرة كلامك بيكون اجمل من الاول نورتني يا حبيبي

Anonymous  

عبد الرحمن &نور
مدونة جميلة بل رائعة
ربنا معاكم يوفقكم دراسة وتدوينا
ويلا اتجدعنوا واتخرجوا
( واللي خلق الخلق أخلي أبويا يفتح ليكو مدرسة .. قصدي صيدلية ..)
دي دعابة ما تحلمش بيها أوي ...
ولكن أعلموا أن الله لا يضيع أجر من أحسن عملا ..
فأحسنوا العمل وربنا معاكم ..
said

أسفه لم أقرأ موضوعك لكن أمامي مهمة نشر مدونه في غاية الاهميه أنشرها بين المدونين ان استطعت
ادعوكم لزيارة هذه المدونه
http://www.ta7arosh.blogspot.com/

أحلى ما فى موضوعك يا عبد الرحمن انى بجد حسيته
حسيت كل كلمة وكل حرف ماللى انت كاتبه وكانك بتتكلم عنى
يعنى يمكن هو ده احساس اى طالب او طالبة فى مصر
انه ضايع وسط الأيام والوقت بيمر بسرعة اوى ولسه ما حققش اللى عايزه
عايزة كمان أشكرك اوى انك دخلت على البلوج بتاعى وسبتلى تعليق
وده شرف ليا طبعا
ربنا يعينك ويعيننى ويار يت نور كمان تدخل البلوج وتعلقلى وطبعا اى حد عايز يدخل ويعبر عن رايه
نفسى استفيد من خبرات كل الناس خاصة انى مدونة جديدة فى عالم التدوين وتقدر تقول ما اعرفش فيه كتير

طولت عليك معلش
اشوفك فى بوست جديد وكمل طريقك طالما عارف انت عايز ايه تبقى ماشى صح البلد دى لسه بخير واحنا نقدر نغيرها

mawdoo3 gaaaaaaaaaaaamed

mestany el new post ya man

انا اسفه جدا جدا جدا

كتير كدا جدا

بس والله بجد ما اخدت بالي وبعدين محدش قالي

انتو اختفيتوا ومش بقيت اشوفكم

انا اقدر ازعلكم مني انا غلطااااااان
ليكوا عندي حق عرب
صافيه لبن ماشي
سلاموووووووووووووووز
وزة

بجد جميلة اوى يا دكتور

تسلم ايدك

احمد

السلام عليكم ورحمة الله وبركاته

بجد مدونه جميله يا دكتور ،،،
نفع الله بنا وبكم :)

فكرة التدوينة رائعة بجد ،،،
لكن خليني أتكلم بصوت عالي شوية

كان أحد التابعين يتمنى يشوف الرسول عليه الصلاة والسلام في المنام

فسمع أحد العلماء بينقل رؤيا عن النبي صلى الله عليه وسلم فراح يسأله ازاي أشوف الرسول ؟ نفسي بجد أشوفه من سنين ...

أخده عنده البيت وقال له هتنام معايا الليله دي
وجاب ليه عشاء .. كان كله ملح زيادة وجبنة قديمة ملحها زياده .. وماجابش مايه خالص

خلصوا اكل قال له قوم نام
سأله الصبح شفت الرسول صلى الله عليه وسلم ؟!!
قال له لا .. حلمت ان انا في مكان من فوقي مايه ومن تحتي مايه وعن يميني وشمالي مايه ،،،

قال له ده لانك كنت عطشان وصدقت في طلب المايه

فلو صدقت الله رؤيا الحبيب .. لرأيت النبي في المنام

بمعنى ان انا لو صدقت مع نفسي بجد أمام الله وحبيت أقف وقفه بفضل الله هقدر

وده شيء أساسي لكل واحد فينا
انه يكون ليه لحظات يقف فيها مع نفسه

سيدنا عمر بن الخطاب كان بيعملها يوميا قبل نومه ..
ناس تانيه كل أسبوع .. وناس زي حالاتنا مره قدام المرايه وممكن ما تكملش :)

دمت بكل ود أخي الحبيب

said
حبيبي انت فين من زمان مش جيت عندي نورتني اوي اوي بردك ومرورك الجميل
وبعدين يا عم كلها كام سنة وهتلاقيني جاي لك
علشان نشوف موضوع الصيدلية دة

ههههههههههه

عبدالرحمن

Miss Dot

كنت اتمني انك تقري موضوعي
وانشاء الله اوعدك اني هنشر المدونة عندي

وشكرا علي زيارتك القصيرة دي


عبدالرحمن

rodi

انا بجد مش عارف اقولك اية علي كلامك الجااامد دة
بس بجد زيارتك ليا هيا بجد الي شرف كبير اوي اوي ليا
واتمني تكرريها انشاء الله قريب


عبدالرحمن

DoMaLaYs
حبيبي دايما ردك قصير اوي
بس جميل
اخبارك اية واخبار الصيدلة معاك وعملت اية في الترم الاول يا حبيبي


عبدالرحمن

انين الحزن
انا عارف انك مش اخدتي بالك بس ياريت تجاوبي علي التاج علشان ابقي اجي تاني عندك المدونة


نورتيني
عبدالرحمن

Ahmed Al-Sabbagh

نورتني يا حبيبي
من زمان مش جيت عندي

شكرا علي مرورك ويارب تكون عجبتك

عبدالرحمن

elbostagy2



نورتني بجد في اول زيارة لك في المدونة
وبجد ردك تحفة جدا جدا جدا
نورتني يا حبي وياريت تكررها تاني

عبدالرحمن

سعدت بمرورى لمدونتك الرائعة
انت فعلا موهوب ربنا يوفقك

rovy

مدونه جميله و المفارقه ان احنا انا و زميلى فى المدونه كنا زيكم بنحلم نسافر و فعلا سافرنا و احنا بنكتب من خارج مصر بس احنا حاسييين اننا خرجنا و لسه مصر جوانا. احنا يمكن اكبر منكم بعشرين سنه و لو كتبت نفس الموضوع لكتبت عن ايام الجامعه الجميله اللى اتبهدلت فيها اصل انا حاسه بيكم لانى دكتوره و زميلى فى المدونه مهندس. استمتعوا بكل لحظه قبل ما الدنيا تاخدكم و زرونا . تحياتى

اولا كده معلش على التاخير
بس كنا فى شيت اليومين دول :(

تانيا طريقه عرضك للبوست لذيذه اووى
فكرتنى بينا
تقريبا نفس القصه
مع اختلاف السيناريو


اخر حاجه قبل ما امشى
ادعى لنا بقى عشان عندنااخرامتحان السبت ان شاء الله

ونتيجه الترم الاول الاحد تقريبا :(

Anonymous  

السلام عليكم لو الناس تعرف انك نصاب كببببببير تسرق مواضيع الناس وتنسبها لنفسك أمال فين الدين ياطالب الازهر وحقوق الملكية الفكرية على العموم أحنا مسمحين هنعمل أية أبننا وخدبالك من المذكرة أخوك فى اللة

السلام عليكم


يااااااه حرام عليك والله انا كنت بعيط


والله موضوع جميل جداااا جداااااااااا جداااااااااااا


ربنا معاك يا عبد الرحمن بجد انت هايل البوست مش عارفه اقول ايه


ربنا يوفقك



بحيك علي الاحاسيس والمشاعر الرقيقه دي




صدقني بجد انا عمري ما شفت انسان بالاحاسيس والمشاعرالجميله والرقيقه دي



استودعك الله الذي لا تضيع ودائعه


السلام عليك