ادي البنات ياعم  

مرسلة بواسطة Abd-Alrahman



الحقوا يا جدعان شوفوا بيدوروا علينا ازاي بابرة

وتيجي تكلم الواحدة منهم تعمل لك فيها انا الملكة وهما مش لاقيين

لا تعليق

This entry was posted on 8:00 AM . You can leave a response and follow any responses to this entry through the Subscribe to: Post Comments (Atom) .

12 What Abdot You ?

السلام عليكم

هههههههههه
ضحكتني بجد
انا سمعت عن الكتاب ده من بلوج عايزة اتجوز
بس كنت فاكراها بتهزر

اولا فيه اسئلة قبل ما تدي حكم يا استاذ
مين اللي كاتب الكتاب ده
ومين صاحب فكرته
ومين دار النشر

مش ممكن يكون راجل

ويبقى الموضوع فشنك
لانه عمل حاجة محدش طلبها منها

****

انت عاوز تقول يعني
" يتمنعن وهن الراغبات "
بعينك:ح

كل سنة وانت طيب

سلاماتي

هههههههههههه
على فكرة انا اول مرة اسمع عن الكتاب دة
كان في مدونة عايزة اتجوز

ودا عكس الفيلم الي بوسي صحبتي حكتلي علية وهوتقريبا كيف تفقدين ولد في 10 ايام
يعني ازاي تفلسعية في 10 ايام

يعني والله مبقتش عارفة عاوزين يتجوزا ولا عاوزين يطيروا العرسان من اديهم

ومن ناحية ان البنات مش لاقين

فعلا هما مش لاقين حد عدل

ولو جينا ندور في اسباب العنوسة هنلاقيها كتير وكنت اتكلممت عن جانب منها في تحقيق عملتة في جريدة صوت مصر

كان بعنوان عادات وتقاليد بارت على الطريق

والعنوسة زي ماهي في البنات في الولاد كمان

والي خلا الكتاب دا يظهر لان نسبة العنوسة زادت

ويمكن تحس بكدة اوي البنت الي متجوزتش واعد من غير شغل بتبقى حياتها فاضية
فاكيد دا مبرر انها تشتري الكتاب

بس عن نفسي مش تفرق معايا كتير حكاية عانس دي
مدام مش لاقية الانسان المناسب
ماهي الحكايةمش عريس وخلاص
انا عاوزة البنات الي متسربعة على الجواز تفهم ان الحكاية مش عريس وفستان فرح ومعازيم
الجواز في معاني اكبرمن كدة بكتير
انسان يفهمك يشاركك حياتك
انسان مناسب ليكي

مش اي راجل والسلام وهو ضل راجل ولا ضل حيطة
كدة هنخرج من موضوع العنوسة وندخل على المصيبة الاكبر وهي الطلاق

استهدوا بالله يا بنات والي مكتوب هيكون لو مكتوب لكم الجواز هتتجوزا

وبلاش يا دكتور تتريق على البنات لو سمحت مش كلهم زي بعض

وبجد انا سمعت عن الكتاب ونفسي اقراه لسبب واحد نفسي اعرف الكلام المكتوب فية بيستخف بعقل بالنت ولا لاء
وانا حاسة كدة والله اعلم انة كتاب ولا حاجة هوبس وسيلة جذب للبنات لتحقيق ايرادات مالية
لاني سمعت ان الكتاب غالي وانة بالحجز
والي يضحك لما فريت البوست في المدونة عايزة اتجوز انة ممكن تحجز نسختك على 2008
مش عارفة والله الناس دي عاوزة منننا اية

حتى الجواز بقى بالحجز كل واحدة تستنى دورها في الكتاب
بالذمة ده مش هبل واستخفاف

رسالة تانية عاوزة اقولها للبنات
ان الجواز في مجتمعنا ماهو الا مظهر اجتماعي

يعني متجوزة تبقى خلاص مش مهم سعيدة حزينة المهم متجوزة

مش متجوزة ياعيني دي مش متجوزة
ربنا يرزقها بن الحلال
ومين بس الي هيجيلها ياختي دي بقى عندها 30 سنة
هو دة مجتمعنا ودي افكارة وكلامة

وعازة اقولك حاجة تانية يا دكتور معلش طولت عليك

البنت ملكة متوجة تنظر فارس احلامها بكامل ارادتها لتعطيه تاجها
وتجعلة الملك المتوج بحبها

3453345علي فكرة الكتاب معلن عنه في موقع شريك الحياة كمان
وشكرا ليكي يا mesh2dra علي مرورك الكريم
وكل سنة وانتي طيبة يا قمر

شكرا لولا لمرورك الكريم الذي تشرفت به كثيرا واحب اقولك ان كلامك الي انتي قولتيه صحيح 100%انا بس كنت واخد الموضوع
كانه فكاهه لاني بجد استغربت جدا جدا اول ما شوفت الصورة بتاعت الاعلان بس مش اكتر

وعلي فكرة في حاجة اسمهاالنصيب
يعني مهما هتعمل نصيبك هيجيلك لحد عندك يعني لو عملت البدع مش هتاخد غير نصيبك وبرضة لو فضلت قاعد مكانك نصيبك برضة هيجيلك لحد عندك من غير كتب ولا اي حاجة
علي فكرة هوة الكتاب دة علشان يحققوا ايرادات مالية بس مش اكتر
زي ما انتي قولتي

شكرا علي مرورك
واتمني ا اري لك تعليقا في كل مواضيعي

ايه الاجتهاد ده كله
حتى العنوسه طلعوا لها كتب وملخصات

بعد شويه يطلعوا لهم تنسيق


دعواتك بقى احنا ال5 عندنا امتحان كمان شويه

ربنا معاكوا يا لوزة ويوفقنا كلنا يا رب
علي فكرة انا خلصت كل الامتحانات العملي والسشيت واعمال السنة
ولسة البيبر والشفوي بعد العيد
ربنا يستر بقي ادعولنا

هاهاهاهاهاهاهاهاهاها
فضحونا ال..... و لاد الناس الامرا

بجد ده اسمه فضا...(و بعدين هما مش عارفين ان دى حاجة مش محتاجة تعليم ده البيب من ساعة ما بتتولد بتبقى راسمة على ابن الجيران)م

معلش ردى متأخر بس النهاردة اول يوم من غير امتحانات

و كل سنة وانت طيب

وانتي طيبة يا سخسوختي
ويارب يكون عيد سعيد علينا كلنا

وربنا يوفقك في الامتحانات

انا فعلا سمعت عن الكتاب ده
و فعلا فى ناس بتحجزه من دلوقتى عشان الطبعة الجاية واللى بعدها
انا عارفة يا اخويا ايه اللى جرا للبنات

والله يا بريك متعرفيش اية الي حصل للبنات كلهم زي ما تقولي خفة عقل او فضي
او هبل
علي العموم شكرا علي زيارتك الجميله والبوست نور

Anonymous  

المسألة ليست قلة العرسان، المسألة قلة الرجال الحقيقيين الذين يستحقون الموافقة عليهم

نعم حتى العنوسة اخرجوا لها كتاب والترويج ولا اسخف !!!

حبذا نجد كتاب يعتني بفن اداره البيوت عوضا عن مثل هذه الكتب ...

وشكرا لاعلامكم ايانا