ربنا يوفقك يارب
على فكرة انا كنت زيك كده في فترة من حياتي وكنت بسيب بلدي وبسافر عشان الكليه وكنت بحس بنفس المشاعر اللي وصفتها دي بس بعد ما خلصت اشتقت اوي للايام دي
يللا ربنا معاك وان شاء الله تحول وترتاح لان السفر متعب فعلا
شد حيلك في الامتحانات وربنا يوفقك
سلام

ربنا يوفقك
ان شاء الله تلاقى طريقه تستريح بيها
يا اما تقدر تحول او انك تتاقلم على كده

ربنا يصبرك الفتره دى

aiwa aiwa el 7ala de kolena 3arfenha el 3'areb b2a enk awl mara t7s beha

ربنا يوفقك وامتحاناتك تخلص على خير
ومتقلقش كلها كمان ترم وترجع لبلدك واهلك تانى

انت لسة اول سنة ليك فى الكلية دى والا اية؟ عامة انا كمان كنت مغتربة بس بعد اول سنة حبيت البلد اللى انا مغتربة فيها دى اوى وبجد نفسى اعيش فيها كل حياتى وزعلانة انى خلصت الكلية

thanx 3la el comment

السلام عليكم
اى يا عم فى اى انت محسسنى انك بتدرس فى اسرائيل
الموضوع مش صعب اوى كدة
وعمال تقول ارجع بلدنا
امال انت فين طيب مانت فى بلدك برضه
ثم السفر والاقامة فى محافظة تانية لازم تتعلم مننه حاجات كتير ولازم متبصلوش على انه كابوس بصله على انه تجربة لازم تتعلم منها وتنبصت فيها كمان

خالص تحياتى يا حاج وربنا يقويك

ربنا يوفقك ويعينك وصدقني بعد فترة حاتحب البلد ألي انت فيها وحاتتعود

الصعيد جميل

لا ادرى لما كثير من الطلاب القادمين الى اسيوط خاصة من القاهرة ومحافظات الوجة البحرى ينظرون الى اسيوط والى اهل اسيوط نظرة فوقية بالرغم من ان اكثرهم ان لم يكن جميعهم (وانت واحد منهم) من بيئات فقيرة من حيث المستوى الاخلاقى والمادى فهم لو كانوا اغنياء او متوسطى الحال فهناك جامعات القاهرةالخاصة العديدة والتى تبيع الشهادات بأرخص الاسعار ستكون فى متناول ايدهم ولكن نتجية فقرهم فـأنهم يقبلون ما يفعلهم بة التعليم المجانى لان ابائهم لا يستطعيون الا اشباع جوعهم فقط
ويلاحظ ان غالبية هؤلاء الطلاب يسكنون فى مناطق اقل ما توصف بة انها مناطق (بيــــــئة)
اما من ناحية الفقر الاخلاقى فأن الانسان يحترم دائما وابدا ذلك المكان الذى يتلقى فية العلم وان لم يستطع ان يحترمة فعلية ان يلزم الصمت او يتركة لمكان اخر يحترمة ولا يصبح كالكلب الذى يروى عطشة من حفرة بها ماء
اسيوط بلدالحزن والكئابة لك ان تقرأ تاريخها حتى تعرف ان الذين جعلوا المصريين يقولوا نحن رجال هم اهل اسيوط بدء من ارسطو طاليس ( الذى لن تعرف ماذا قدم للعلم) ومرورا بجلال الدين السيوطى وعمر مكرم والمنفلوطى وحافظ ابراهيم وعلى اسماعيل ومحمد محمود باشا وعلى علوبة وال ساويرس وغيرهم الكثير وانتهاء بوزير التخطيط محمود عثمان والصحفى الكبير كرم جبر والسفير نبيل فهمى سفير مصر فى الامم المتحدة
عفوا لقد نسيت جمال عبد الناصر والذى جعل من مثلك يتعلم