علي فكرة اول مرة اكتب علي البلوج وانا مش محضر
ولكني لاقيت نفسي مخنوق شوية من السفر والشيل والحط ورح وتعالي
قولت اروح عن نفسي شوية واكتب بوست عن اليوم الشاق الي روحت فية لاسيوط
النهاردة يا جماعة انا سافرت اسيوط وبكتب لكم البوست دة كمان من اسيوط
بلد الحزن والكئابة والسبب اني كان لازم اجي هنا بعد اجازة زي الفل علشان الامتحانات
ولكني لما بطلع من بيتنا واروح ناحية القطر بينتابني احساس غريب
مرة يكون عندي حماس ومرة اكون مخنوق مرة اكون مبسوط ومرة اكون زعلان
مش عارف لية كل مرة احسس باحساس مخت لكن المرة دي حسيت باحساس صعب فرحة مع خوف مع خنقة مش عارف لية ؟؟
يمكن فرحان لان الترم هيخلص وبكدة هكون قضيت نص ترم من الفترة الي عليا في البلد دي
ويمكن خايف علشان الامتحانات
ولكن في النهاية خلصت مغامرة القطر المتعبة وروحت البيت وللاسف هتجيلي حالة ضياع النوم بتاعت كل مرة وهفضل يومين مش عارف انام زي كل مرة ادعولي يا جماعة بقي ربنا يسهلها والامتحانات دي تخلص
وبرضة كل دة وانا عندي بريق من الامل اني اعرف احول وارجع بلدنا واعيش زي الناس واطع من الكابوس المتعب الي وقعت فيه دة وبعدني عن اهلي واصحابي وبلدي واخواتي وبعدني عن كل ذكراياتي الجميلة ولكن كل دة علشان خاطر الشهادة
بس بصراحة اجمل ما في الموضوع دة يا جماعة ان وانا راجع البيت بعد فترة اسبوعين علي الاقل بجد بكون مليان بالشوق واللهفة وكاني هشوف بلدي واهلي لاول مرة
بيكون احساس جميل جدا وفرحة عارمة
طولت عليكم اسف بس بجد يا ريت تدعولي
This entry was posted
on 3:46 PM
.
You can leave a response
and follow any responses to this entry through the
Subscribe to:
Post Comments (Atom)
.
15 What Abdot You ?